Eyjar.net - upplýsinga- og fréttamiðill um Vestmannaeyjar - Fréttir - Olsen-Olsen í sigri ÍBV á Fram

 

 

Tryggvi Guðmundsson var annan leikinn í röð á bekknum vegna meiðsla í baki og þá er Andri Ólafsson að stimpla sig inn í deildina en hann spilaði sinn fyrsta deildarleik í sumar í gær.

 

Daninn, Christian Steen Olsen tók verðskuldað forystuna fyrir heimamenn þegar hann skoraði á 26. mínútu leiksins, Þórarinn Ingi Valdimarsson gaf á hann og Olsen skoraði framhjá Ögmundi í markinu.

 

Olsen skoraði aftur á 60. mínútu leiksins þegar Gunnar Már Guðmundsson gaf á hann og Olsen skoraði laglega framhjá Ögmundi.

 

Adam var ekki lengi í paradís því tveimur mínútum síðar minnkaði Kristinn Ingi Halldórsson muninn fyrir Framara, Sveinbjörn skallaði boltann á Kristinn eftir horn og hann gerði ekki nein mistök þarna.

 

Á 82. mínútu fengu Eyjamenn vítaspyrnu þegar Ásgeir GUnnar Ásgeirsson braut á Andra Ólafssyni. Þórarinn Ingi fór á punktinn og skoraði.

 

Steven Lennon náði svo að laga stöðuna fyrir gestina á 86. mínútu eftir laglegan einleik en þar við sat og sigur Eyjamanna staðreynd.

 

Christian Olsen átti góðan dag í liði ÍBV líkt og Þórarinn Ingi en Steven Lennon bar af í liði Fram.

 

433.is