Eyjar.net - upplýsinga- og fréttamiðill um Vestmannaeyjar - Fréttir - Er Geiri á 900 grillhús líka hákarlatemjari?

Síðastliðinn sunnudag voru þeir Þórir Helgi og Hólmgeir Austfjörð eða Geiri á 900 eins og hann er kallaður í daglega í eyjum á siglingu á tuðri við Vestmannaeyjar og sigldu þeir þá fram hjá stærðarinnar hákarli.

Eins og sjá má á myndbandinu hér að neðan þá voru þeir félagarnir ekkert að tvínóna við hlutina og sigldu upp að hákarlinum. Sigldu þeir svo nálægt hákarlinum að Geiri náði að grípa í ugga hákarlins en sjaldgæft er að það sé hægt. Nú spyrja menn sig hvort að nýtt keikó ævintýri sé á leiðinni með þjálfun Geira á hákarlinum.