Senda inn efni
4. júní kl.11:26 | eyjar.net

Kúgun útgerðarvaldsins vegur að lýðræðinu

Kristinn H Gunnarsson skrifar

Landssamband íslenskra útvegsmanna og aðildarfélög þess ætla ekki að sætta sig við lýðræði á Íslandi. Sá fámenni hópur manna , sem ræður ferðinni í þessum félagsskap , vill að útvegsmenn láti skip sín liggja í landi þar til löglega kjörin stjórnvöld, ríkisstjórn og Alþingi, hafa verið beygð í duftið og verið knúin til þess að gera engar aðrar breytingar á lögum um atvinnugreinina en þær sem LÍÚ samþykkir.

Í hartnær aldarfjórðung hefur hefur útvegsmönnum með handhöfn kvótans, verið falið með lögum að annast nýtingu sjávarauðlindar landsmanna. Þetta fyrirkomulag hefur reynst gallað og óhjákvæmilegt að gera breytingar á því. Það er hlutverk stjórnmálamanna að setja leikreglurnar í þjóðfélaginu og það er hlutverk stjórnenda atvinnufyrirtækja að vinna eftir þeim. Þessi verkaskipting er í meginatriðum virt, nema í sjávarútvegi. Deilan, sem LÍÚ hefur stigmagnað með nýjustu ákvörðun sinni, snýst um lýðræðið. Deilan snýst orðið meira um það hverjir ráða en því sem í lögunum er. Gripið er til þess að banna skipunum að fara á sjóinn til þess að knésetja stjórnvöldin.
 
Þetta á ekki að koma neinum á óvart. LÍÚ hefur verið á þessari leið allt frá því að framsal kvótans var leyft. Einokunarvaldið yfir veiðiréttinum í langan tíma er öflugt tæki til þess að stjórna. Með því var útgerðarmönnum fært tæki upp í hendurnar sem sumir hafa notað og aðrir hafa misnotað.
Sumir hafa breytt því í peninga í eigin vasa. Hundruðum saman hafa útgerðarmenn selt kvóta fyrir tugir milljóna króna hver, hundruð hafa selt fyrir hundruð milljóna króna hver, og tugir hafa selt fyrir þúsundir milljóna króna hver. Sumir hafa misnotað traustið með því að hóta stjórnvöldum því að einstaka fyrirætlanir þeirra myndu bitna á starfmönnum og öðrum íbúum í sjávarplássunum. Íbúar þessarar byggðarlaga eru ekki lengur frjálsir í því að láta skoðanir sínar í ljós. Það er orðið til ástand sem minnir á ógnarstjórn og skoðanakúgun.

Gleggasta dæmið um ógnarmátt kvótans er yfirlýsing stéttarfélaganna í Vestmannaeyjum, þar sem boðað er til samstöðufundar í dag, mánudag, og landsbyggðarfólk er hvatt til þess að „láta ekki nokkra einstaklinga á Alþingi Íslendinga eyðileggja sjávarútveginn og landsbyggðina“. Fundarboðendur vilja ekki breyta leikreglunum í útgerðinni. Leikreglunum sem sópaði kvótanum úr nærliggjandi byggðarlögum til Vestmannaeyja, Fjarðabyggðar og Sauðárkróks. Sömu leikreglur hreinsuðu veiðiheimildir af Vestfjörðum til Grindavíkur og Akureyrar. Finnst forystumönnum launþega í Vestmannaeyjum það ekki hafa „eyðilagt landsbyggðina“ ? Eða er það að þeirra mati í lagi að „eyðileggja“ sum byggðarlög?

Forystumenn verkafólk í Vestmannaeyjum tala eins og fjölmörg byggarlög í öllum landsfjórðungum sem hafa farið illa út úr flutningi veiðiheimilda hafi ekki verið á landsbyggðinni eða að fólkið sem þar bjó hafi verið einhver óværa sem þurfi að hreinsa land og þjóð af. Auðvitað er þetta ekki þannig meint, en óttinn við vald kvótahafans blindar og bjagar dómgreindina svo að verkalýðsforystunni í Vestmannaeyjum finnst þetta eðlilegur málflutningur; þangað til að kvótagreifarnir eða erfingjar þeirra selja kvótann, þá munu þeir átta sig – of seint.
 
LÍÚ og baráttuaðferðir þeirra á undanförnum vikum hafa vonandi opnað augu almennings á Íslandi fyrir því gífurlega þjóðfélagslega valdi örfárra manna sem kvótaúthlutunarkerfið færir þeim. Þeir hafa allt í hendi sér í sjávarplássum landsins. Þeir ráða mestu um það hverjir verða alþingismenn í landsbyggðarkjördæmunum. Það er engin tilviljun að mannréttindanefnd Sameinuðu þjóðanna setti hornin einmitt í úthlutunarkerfi kvótans. Það getur hver maður séð hvernig ástandið verður að 20 árum liðnum ef fram gengur það sem ætlað er með nær óbreytta kvótaúthlutun þann tíma.
 
 
Ríkisstjórnin ætlaði sér að friða LÍÚ með 20 ára kvótagjöfinni, en henni ætti nú að vera ljóst að LÍÚ ætlar sér ekki að þiggja neitt. Þvert á móti, LÍÚ ætlar áfram að stjórna stjórnvöldum. Róðrarbann LÍÚ er tilraun til fjárhagslegrar kúgunar og er aðför að lýðræðinu sjálfu. Svar stjórnvalda er að koma á nýju úthlutunarkerfi kvótans eins og boðað var fyrir kosningar. Það verður að taka kúgunartækið úr höndum LÍÚ.
 
 

Eldri fréttir

Sölu- og markaðstorg

Óska eftir húsnæði um Þjóðhátíð

16. apríl kl. 14:24 | Til leigu
Við erum nokkrar stelpur á tvítugsaldri saman sem vatnar svefn- og snyrtiaðstöðu um þjóðhá...

Ó.E húsnæði yfir þjóðhátíð

16. apríl kl. 13:50 | Til leigu
Reglusamt fólk á þrítugsaldri óskar eftir húsi/íbúð til leigu yfir þjóðhátíðar helgin...

ÓE íbúð/húsi yfir Þjóðhátíðarhelgina!

16. apríl kl. 12:46 | Til leigu
Hæhæ! Óska eftir íbúð/húsi yfir Þjóðhátíðina. Við erum 8-9 stelpur í kringum tvítugt...

Óska eftir íbúð yfir þjóðhátíð

15. apríl kl. 23:08 | Húsnæði
Góðan dag, ég heiti Bryndís Karen og er 21 árs. Ég óska eftir íbúð yfir Verslunarmannahe...

ÓE Íbúð/Húsi til leigu yfir Verslunarmannahel...

15. apríl kl. 17:33 | Til leigu
Erum 5-6 21. árs gamlar stelpur sem erum að leita okkur að gistingu á þjóðhátíð. Höfum ...

Fyrirmyndarfólk Ó.E. að leigja íbúð/einbýli...

16. apríl kl. 11:48 | Til leigu
Við erum 4 pör, á aldrinum 25-30 ára og óskum eftir að leigja íbúð eða einbýlishús í ey...

Fyrirmyndarfólk Ó.E. að leigja íbúð/einbýli...

16. apríl kl. 11:48 | Til leigu
Við erum 4 pör, á aldrinum 25-30 ára og óskum eftir að leigja íbúð eða einbýlishús í ey...

ÓE íbúð/húsi yfir verslunarmannahelgina.

15. apríl kl. 01:52 | Til leigu
Sæl veriði. Erum 5 drengir allir 20 ára gamlir og erum í leit að íbúð yfir verslunarmannahe...