Eyjar.net - upplýsinga- og fréttamiðill um Vestmannaeyjar - Fréttir - Ein kæra liggur fyrir vegna brota á umferðarlögum

Það var frekar rólegt hjá lögreglu í vikunni sem leið og rólegt í kringum skemmtistaði bæjarins. Eitthvað var um tilkynningar vegna foks vegna norðanbálsins sem gekk yfir landið í byrjun vikunnar, en ekkert tjón hlaust af því.

Alls voru fimm umferðaróhöpp tilkynnt til lögreglu í vikunni sem leið sem verður að teljast nokkur fjöldi miðað við undanfarnar vikur og mánuði. Í öllum tilvikum var um minniháttar óhöpp að ræða og engin slys á fólki.

 

Ein kæra liggur fyrir vegna brota á umferðarlögum en um er að ræða vanrækslu á að ganga tryggilega frá farmi vörubifreiðar sem varð til þess að hluti farmsins féll af og lenti á annarri bifreið. Ekki varð mikið tjón á bifreiðinni sem farmurinn lenti á en rétt er að minna ökumenn vörubifreiða á að ganga tryggilega frá farmi áður en haldið er af stað.