Eyjar.net - upplýsinga- og fréttamiðill um Vestmannaeyjar - Fréttir - Það vantaði meiri kraft og grimmd

,Nei, eins og þú varst að segja. Við byrjuðum vel og fyrri hálfleikur var bara mjög góður, en seinni hálfleikur þá vantaði meiri kraft og grimmd, en þetta var ekki nógu gott fannst mér í dag, jafntefli ekki nógu gott," sagði Ian Jeffs, leikmaður ÍBV eftir leik liðsins við Breiðablik í gær.

ÍBV og Breiðablik gerðu markalaust jafntefli á Hásteinsvelli í dag, en bæði lið eru með eitt stig eftir tvær umferðir.

 

,,Þetta er ekki draumabyrjun. Það voru sex stig í boði fyrst gegn Selfyssingum úti og svo Breiðablik hérna heima, en því mtókst það ekki og því ekkert annað að gera en að peppa okkur upp fyrir leikinn gegn KR á útivelli."

 

,,Mér fannst við spila flottan fótbolta á köflum í dag eins og á móti Selfoss. Það vantar bara meiri grimmd og það er eins og fólk vill ekki skora. Þetta er fínt spil milli leikmanna frá okkar markteig, en það vantar bara eitthvað."

 

,,Það hefur áhrif að missa Tryggva, Gunnar og Andra. Við erum með fínan hóp og við verðum bara að gera okkar besta með þá leikmenn sem við erum með hérna," sagði hann að lokum.

 

tekið af fótbolti.net