Eyjar.net - upplýsinga- og fréttamiðill um Vestmannaeyjar - Fréttir - Margrét með Potsdam í undanúrslitin

Margrét Lára Viðarsdóttir og stöllur hennar í þýska meistaraliðinu Turbine Potsdam voru rétt í þessu að tryggja sér sæti í undanúrslitum í Meistaradeild Evrópu í knattspyrnu eftir 3:0 útisigur á rússneska liðinu Rossiyanka. Potsdam vann einvígið samanlagt, 5:0.

Margrét Lára, sem hefur átt við meiðsli að stríða í læri, lék síðustu 20 mínútur leiksins en japanski landsliðsmaðurinn Yuki Nagasato skoraði tvö marka liðsins og Babett Peter skoraði eitt.

 

Potsdam mætir franska liðinu Lyon í undanúrslitum en þessi lið hafa leiki til úrslita síðustu tvö ár í Meistaradeildinni. Árið 2010 fagnaði Potsdam sigri þar sem úrslitin réðust í vítakeppni en í fyrra hafði Lyon betur, 2:0.