Eyjar.net - upplýsinga- og fréttamiðill um Vestmannaeyjar - Fréttir - ÍBV fær frest frá KSÍ

KSÍ hefur samþykkt leyfisumsóknir allra þeirra 24 félaga sem leika í efstu tveimur deildum karla. ÍBV, Fylkir og Selfoss fá leyfi miðað við að gerðar verði úrbætur á áhorfendaaðstöðu innan tiltekinna tímamarka.

Aðstæður á heimavöllum þessara félaga uppfylla ekki þær kröfur sem gerðar eru en öll eru með áætlanir um að bæta úr því.

 

Nokkur félög uppfylltu ekki kröfu um menntun þjálfara yngri flokka og verður þeirra málum vísað til aga- og úrskurðarnefndar, sem ákveður viðurlög.

 

Það eru ÍBV, Fylkir, Stjarnan og Víkingur Reykjavík sem uppfylla ekki þessa kröfu.