Eyjar.net - upplýsinga- og fréttamiðill um Vestmannaeyjar - Fréttir - Tveir ökumenn stöðvaðir vegna gruns um að þeir væru að aka undir áhrifum áfengis

Vikan fór ágætlega fram og engin alvarleg mál sem upp komu hjá lögreglu. Skemmtanahald helgarinnar gekk vel fyrir sig og rólegt var í kringum skemmtistaði bæjarins.

Lögreglu var tilkynnt um vinnuslys í Vinnslustöð Vestmannaeyja miðvikudaginn 14. mars sl. en þarna hafði starfsmaður stigið niður um gat á rist í gólfi með þeim afleiðingum að hann fékk áverka á fót. Ekki er um alvarlega áverka að ræða.

 

Tveir ökumenn voru stöðvaðir af lögreglu um sl. helgi vegna gruns um að þeir væru undir áhrifum áfengis við aksturinn. Hafa þá fjórir ökumenn verið stöðvaðir það sem af er árinu vegna gruns um að vera undir áhrifum áfengis við akstur en á sama tíma í fyrra voru þeir tveir. Þá hafa tveir ökumenn verið stöðvaðir vegna gruns um akstur undir áhrifum ávana- og fíkniefna það sem af er árinu á móti einum á sama tíma í fyrra.

 

Átta ökumenn voru sektaðir vegna brota á umferðarlögum í vikunni og má þar m.a. nefna ólöglega lagningu ökutækis, akstur án þess að vera með öryggisbeltið spennt í akstri og notkun farsíma í akstri án handfrjáls búnaðar.

 

Eitt umferðaróhapp var tilkynnt í vikunni en um var að ræða árekstur lyftara og bifreiðar á Strandvegi. Engin slys urðu á fólki en bifreiðin um hafa skemmst í árekstrinum.