Eyjar.net - upplýsinga- og fréttamiðill um Vestmannaeyjar - Fréttir - Grímur kokkur vill auka hollustu sjávarafurða enn frekar

Lítil hugmynd orðinn að mjög stóru verkefni, Grímur kokkur kom í síðustu viku frá Noregi þar sem hann var á ráðstefnu, þar sem verkefni sem fyrirtæki hans tekur þátt í var kynnt og fyrirtækin sem taka þátt í verkefninu komu saman.

„þessi litla hugmynd sem Gísli Gíslason bróðir minn kom með fyrir rúmum tveim árum um hvort hægt væri að auka prótein magn í fiskréttum okkar enn frekar og jafnvel auka omega magn líka í vörunum er orðinn að stóru verkefni þar sem við erum m.a að vinna með sérfræðingum hjá Matís í Reykjavík ,Itogha í Noregi,Carnad í Danmörk,Håtålå Oy og VTT í Finnlandi og Marinox í Reykjavík. Hvert fyrirtæki er að leggja framm sína sérfræði þekkingu sína, verkefnastjóri er Vestmanneyingurinn Emilia Martinsdóttir sérfræðingur hjá Matís og hjálpaði hún okkur við að sækja um styrk frá Norden Nordic Marine Innovation svo þetta samstarf yrði mögulegt.
 

Norska fyrirtækið er sérstaklega spennandi en þeim hefur tekist að einangra Omega 3 úr lýsi og gera úr því duft, algjörlega bragðlaust og erum við fyrsta fyrirtækið sem fær þessa afurð til prófanna. Svo er danska fyrirtækið sérfræðingar í fiskipróteinum,Marinox er nýtt fyrirtæki í Reykjavík sem er að skoða þörunga og hvort hægt sé að nota þá í matargerðina og hvort draga megi úr salt notkun með notkun þörunganna, Håtålå Oy í Finnlandi er fyrirtæki sem sérfhæfir sig í framleiðslu og sölu á fiskafurðum og koma þeir inn sem sérfræðingar í markaðshlutanum ásamt VTT en Finnar eru fremstir í flokki af norðurlanda þjóðunum í framleiðslu á svo kölluðum functional food ( þar sem matur hefur verið betrum bættur með því að bæta í hann vítamínum eða öðru)

Á fyrri degi ráðstefnunnar voru aðeins samstarfs fyrirtæki okkar og voru málin rædd um framhaldið, og á seinni degi ráðstefnunnar voru svo öll verkefni sem Nordic Marine Innovation hafði styrkt í ár kynnt ásamt ýmsum fróðlegum erindum. „

„Ég og Gísli bróðir voru alveg í skýjum með þetta allt saman og þessa miklu sérfræðinga sem við erum að fara vinna með sagði Grímur Þór Gíslason kokkur hress í bragði