Eyjar.net - upplýsinga- og fréttamiðill um Vestmannaeyjar - Fréttir - Allt að 40 manns sagt upp hjá Herjólfi

Þann 30.apríl næstkomandi rennur út samningur milli Vegagerðarinnar og Eimskips vegna rekstur Herjólfs og tekur nýr samningur í gildi þann 1.maí næstkomandi.

Samtals er um 40 starfsmönnum sagt upp og taka uppsagnirnar í gildi frá og með 1.maí næstkomandi. Auglýst verður eftir nýjum rekstraraðila á næstu vikum og er ekkert sjálfgefið að Eimskip sækist eftir rekstri Herjólfs aftur eða þá að fyrirtækið fái þjónustuna á ný eftir útboðið og því er gripið til þess ráðs að segja upp starfsfólkinu.

Áður en að Eimskip tók við rekstri Herjólfs þá var rekstur ferjunnar í höndur Samskipa og þurfti þeir einnig að grípa til þess ráðs að segja upp öllu starfsfólki sínu þegar að Vegagerðin bauð rekstur ferjunnar út að nýju. Þá fluttust flestir starfsmenn yfir ti nýs rekstraraðila þegar að hann tók við.

 

Komandi samningur Vegagerðarinnar og nýs rekstraraðila mun gilda til ársins 2015 eða þar til að ný ferja tekur við af núverandi Herjólfi.