Eyjar.net - upplýsinga- og fréttamiðill um Vestmannaeyjar - Fréttir - Björgvin Halldórsson, ásamt stórsveit með tónleika og dansleik í Höllinni

Vinsælasti söngvari og poppari Íslands undanfarin rúm 40 ár, sjálfur Björgvin Halldórsson, er á leið til Eyja og skemmtir Eyjamönnum og gestum þeirra í Höllinni þann 17.mars. Björgvin mætir ásamt 6 manna hljómsveit og heldur svipaða tónleika og hann hélt í tilefni sextugs afmælisins á liðnu ári.

Ekki nóg með að hann spili rjómann af sínum bestu lögum á tónleikum, heldur ætlar hann síðan að halda ball í anda Björgvins og Brimklóar, enda á hljómsveitin 40 ára afmæli á þessu ári, eins og önnur flott og fræg sveit, hljómsveitin Eagles.

 

Björgvin hefur hljóðritað hundruðir laga sem mörg hver hafa orðið mjög vinsæl og fest rætur í þjóðarsál landsmanna.

 

Hann er án nokkurs vafa og án þess að hallað sé á aðra, kóngurinn í íslenskri popptónlist síðustu rúm 40 ár.

 

Í tengslum við þessa miklu hátíð, mun Einsi kaldi bjóða upp á hátíðarmatseðil í Höllinni, sem samanstendur af:

 

Skötuselsþynnur með basil-pestóhjúp bornar fram á humar-rissottói ásamt stökku parmesankexi

 

 

Innbakað lambafille í rösti-kartöfluköku með kornsinnepsfyllingu ásamt steinseljurótarmauki spínatbeði og kornsinnepssósu

 

 

Lakkrís Creme brulée ásamt ávaxtasalsa með lakkrís-sýrópi og lakkrís-ís

 

 

 

Hægt verður að kaupa miða á tónleika og ball, eða á allan pakkann. Verð á matinn, tónleika og ball er 9.500,- kr., en á tónleika og ball 4.500,- kr. Verð eingöngu ball er 2.500,- kr.

 

Frekari upplýsingar veitir Bjarni Ólafur, Daddi, í síma 896-6818.