Eyjar.net - upplýsinga- og fréttamiðill um Vestmannaeyjar - Fréttir - Varúð! það er mikil hálka á götum bæjarins

Bæjarbúum er bent á að það er mikil hálka á götum bæjarins og mikil slysahætta bæði fyrir akandi og sérstaklega gangandi.

 

Best væri að sem fæstir væru á ferð við þessar aðstæður og enginn hreyfi farartæki nema að vera á mjög góðum negldum vetrardekkjum, eða hreinlega á keðjum.

Gangandi er bent á að notast við „skókeðjur“, það er mannbrodda eða gorma.

 

Þar sem gangstéttir og gönguleiðir hafa fæstar verið ruddar, eftir seinustu ágjöf, skapast enn meiri hætta fyrir gangandi sem þurfa að notast við göturnar og þá er enn meiri hætta af umferðinni ef vanbúnir bílar eru þar á ferðinni.

 

Starfsmenn Þjónustumiðstöðvar hafa verið og munu áfram ryðja götur, einnig er verið að salta og má gera ráð fyrir því að sú hálkueyðing taki nokkurn tíma miðað við hitastig og snjómagn/klaka.

 

Það eru vinsamleg tilmæli að fólk taki tillit til ástandsins sem og að tekið verði tillit til starfsmanna við snjómokstur og hálkueyðingu.

 

Með bestu kveðjum og ósk um gleðilega hátíð.

 

 

 

Guðmundur Þ. B. Ólafsson,

 

rekstrarstjóri Þjónustumiðstöðvar.