Eyjar.net - upplýsinga- og fréttamiðill um Vestmannaeyjar - Fréttir - ÍBV stelpurnar dottnar úr bikarnum

ÍBV tók á móti Aftureldingu í áttaliða úrslitum Valitors-bikarsins í gær.

 

 

 

ÍBV byrjaði með boltann og gegn vindi. Fyrri hálfleikurinn var ekki mikið fyrir augað, bæði liðin voru að berjast á fullu en ÍBV fékk þó hættulegri færi og hélt boltanum meira.

 

Jacqceline T Des Jardin, markmaður Aftureldingar, átti mjög góðan leik í gær og varði tvisvar með stuttu millibili vel frá Dönku Podovac þegar hún tók aukaspyrnu og svo þegar Kristín Erna Sigurlásdóttir átti hættulega fyrirgjöf en hún náði að koma fingurgómunum í boltann áður en boltinn hefði endað hjá Berglindi Björgu Þorvaldsdóttur sem stóð ein og óvölduð í teignum.

 

Seinni hálfleikurinn var tíðindalítill en byrjaði þó með þungri sókn ÍBV þar sem að Hlíf Hauksdóttir átti þrumuskot rétt framhjá.

 

Þegar dómarinn flautaði 90 mínúturnar af tók við framlenging og í fyrri hálfleik framlengingarinnar voru gestirnir mun sterkari en heimaliðið. Í seinni hálfleiknum í framlengingunni var lítið að frétta og voru bæði liðin ólíkleg til að skapa sér eitthvað verðmætt og því var vítaspyrnukeppni það eina sem gat útkljáð leikinn.

 

0-1 Marcia Rosa Silva

1-1 Julie Nelson

1-2 Kristín Tryggvadóttir

1-3 Lára Kristín Pedersen

2-3 Elísa Viðarsdóttir

3-3 Birna Berg Haraldsdóttir

3-4 Svandís Ösp

4-4 Kristín Erna Sigrulásdóttir

4-5 Sesselja Líf Valgeirsdóttir

5-5 Sóley Guðmundsdóttir

5-6 Halldóra Þóra Birgisdóttir