Eyjar.net - upplýsinga- og fréttamiðill um Vestmannaeyjar - Fréttir - Eyjamenn sigruðu Íra 1-0

ÍBV sigraði St. Patrick's Athletic frá Írlandi, 1:0. Þetta var fyrsta umferðin í forkeppni Evrópudeildar UEFA í fótbolta á Vodafonevellinum að Hlíðarenda í kvöld. Það var virkilega ánægjulegt að sjá hversu margir stuðningsmenn létu sjá sig á vellinum og ekki skemmdi fyrir hversu vel heyrðist í þeim.

Andri Ólafsson skoraði sigurmark Eyjamanna úr vítaspyrnu á 50. mínútu eftir að Gary Rogers markvörður St. Patrick's braut á Tryggva Guðmundssyni. Eftir fyrsta markið fengu ÍBV tvö góð færi, boltinn vildi einfaldlega ekki inn. Írar höfðu tækifæri til að jafna í lok leiksins en Tonny bjargaði á marklínu. Eyjamenn voru heilt yfir betra liðið í leiknum sem var ekki mjög tíðindamikill. Liðin mætast aftur á fimmtudaginn næstkomandi í Dublin og er það ágætis veganesti fyrir okkur að hafa náð að halda markinu hreinu.

 

Byrjunarlið ÍBV: Albert Sævarsson, Matt Garner, Finnur Ólafsson, Þórarinn Ingi Valdimarsson, Andri Ólafsson, Tryggvi Guðmundsson, Tonny Mavejje, Kelvin Mellor, Denis Sytnik, Eiður Aron Sigurbjörnsson, Rasmus Steenberg Christiansen.

Varamenn: Abel Dhaira, Brynjar Gauti Guðjónsson, Yngvi Magnús Borgþórsson, Anton Bjarnason, Guðmundur Þórarinsson, Arnór Eyvar Ólafsson, Bryan Huges.

 

Byrjunarlið St. Patrick's: Gary Rogers, Derek Pender, Ian Bermingham, Evan McMillan, Daryl Kavanagh, Stephen Bradley, Danny North, Derek Doyle, Brian Shorthall, David Mulcahy, Paul Crowley.

 

Maður leiksins: Tonny Mavejje

 

Liðin mætast aftur á fimmtudaginn næstkomandi í Dublin og er það ágætis veganesti fyrir ÍBV að hafa náð að halda markinu hreinu.