Eyjar.net - upplýsinga- og fréttamiðill um Vestmannaeyjar - Fréttir - Viðtal við frambjóðandann Svein Ágúst Kristinsson

Ungur Vestmannaeyingur, Sveinn Ágúst býðir sig fram til Stjórnlagaþings 2010. Hann skilaði í dag umsókn sinni en umsóknarfrestur er til mánudags 18. okt. Eyjar.net heyrði í Sveini og spurðum hann út í hann sjálfan og afhverju hann væri af þessu. Viðtalið má sjá nánar í viðtali.

Áhrifavaldar / fyrirmyndir í lífinu? Foreldrar mínir hafa að sjálfsögðu haft mikil áhrif á mig og tel ég þeim bara hafa tekist ágætlega til. En fyrirmyndir myndi segja að væru menn eins og Ásbjörn Óttarsson þ.e.a.s að þora meðan aðrir þegja!

 

Þetta stjórnlagaþing gæti orðið vendipunktur í sögu Íslands eftir hrun, en til þess þarf að halda rétt á spilunum. Mikið verk er fyrir höndum og er ég meira en tilbúinn að vinna baki brotnu Íslandi og þjóð til framdráttar.

 

Fólk ætti að kjósa mig því að ég er þessi týpíski landsbyggðar íbúi. Er stútfullur af góðum hugmyndum og tel ég mikilvægt að það séu allavega fólk á stjórnlagaþingi ekki bara prófessorar og hagfræðingar, það þarf eitthvern til að útskýra fyrir fólki að á landsbyggðinni skapast verðmætin! Og hana þarf að vernda með stjórnarskráarbreytingum, ekki dauðadæma hana með misgóðum hugmyndum eins og að breyta landinu í eitt kjördæmi og að ganga í Evrópusambandið, það bara má ekki ské!

 

Nái ég kjöri mun ég beita mér fyrir niðurlagningu embætti forseta Íslands, aðskilnaði ríkis og kirkju og óbreyttu fyrirkomulagi kjördæmaskiptinga.

Og ég vill sjá þessa ESB aðildarumsókn ríkisstjórnarinnar hent útá hafsauga! (já þetta er umsókn ríkistjórnarinnar ekki þjóðarinnar, bendi á gallup kannanir í því samhengi.) Einnig breytingu laga um þjóðaratkv. að þýskri fyrirmynd það er að segja að það er engar eiginlegar þjóðaratkvæðagreiðslur sem að auðvelt er að misnota og lama þingið en almenningur getur þó kallað eftir atkvæðagreiðslum um einstök mál.

 

Ég vona að það sjái sem flestir sér fært að mæta á kjörstað 27 nóv. Guð blessi Ísland.