Eyjar.net - upplýsinga- og fréttamiðill um Vestmannaeyjar - Fréttir - Hið eina sanna Eyjakvöld

Hið eina sanna Eyjakvöld verður á skemmti og veitingastaðnum SPOT í Kópavogi laugardaginn 2. október.

Það er komin rík hefð á að Eyjamenn á höfuðborgarsvæðinu komi saman og geri sér glaðan dag á haustmánuðum og nú er komið að því.

 

 

 

Hljómsveitina Loga þarf vart að kynna sem og er hljómsveitin án efa þekktasta hljómsveit Eyjamanna fyrr og síðar og ein sú lífsseigasta á landinu.

 

Hljómsveitina Dans á Rósum frá Vestmanaeyjum þekkja allir, enda verið allra sveita duglegust sl. misseri við spilerí með rakarann geðþekka Viktor Ragnarsson fremstan meða jafningja. Hljómsveitin hefur haldið uppistuðinu á "litla" pallinum á þjóðhátíð sl. ár.

 

Hermann Ingi Hermannson jr. sér svo um að hita mannskapinn og raddböndin upp.

 

Hin geðþekki ljósmyndari Óskar Pétur Friðriksson verður svo með rafræna ljósmyndasýningu á risaskjám staðarins, enda verið manna duglegastur með myndavélina á lofti og hver veit nema þú lesandi góður sért meðal þeirra sem Óskar hefur fest á filmu.

 

Það má með sanni segja að þarna brúist bil kynslóða í skemmtanalífinu svo allir Eyjamenn, ungir sem eldri ættu að getað sameinast um að gera þetta kvöld eftirminnilegt og fagna um leið frábærum árangri ÍBV í fótboltanum.

 

Skemmtistaðurinn SPOT er án efa glæsilegasti staðurinn í dag, svo vel rúmt er um gesti sem og er aðbúnaður staðarins og öll umgjörð hin glæsilegasta.