Eyjar.net - upplýsinga- og fréttamiðill um Vestmannaeyjar - Fréttir - Strákar í skóla

 

Enn ein rannsóknin var að sýna fram á það að að strákum líður ekki eins vel í skóla og stelpum. Alltaf virðast fjölmiðlar og aðrir talsmenn menntastéttarinnar vera jafn hissa þegar svona niðurstöður koma fram þrátt fyrir það að svona sé þetta búið að vera í fleiri ár.

 

Höfundur Fimmtudagsþrumunar er núna, auk þess að hafa verið, bróðurpartinn af lífi sínu, strákur í skóla og hefur baulað yfir þessu vandamáli við þá sem nenna að hlusta af og til frá því hann var um 12 ára gamall. Höfundi finnst að strákar í skólakerfinu þurfi að aðlaga sig að kvenmiðuðu kerfi þ.e. kerfi sem ætlast til þess að nemendur sé stilltir, hljóðlátir, snyrtilegir, kyrrir, og hlýðnir. Eins og má sjá á framangreindri upptalningu eru þetta ekki beint dyggðir sem meðal orkuríkur strákur hefur í miklu magni (amk samsinnti ég mér ekki mikið með þessum takmörkum).

 

Ég er vissulega hrifinn af aga, ekki misskilja hvert ég er að fara með þetta, ein Fimmtudagsþruman hér fyrir nokkrum vikum meira að segja tileinkuð því að heiðra agan sem verkfæri til sjálfsbætingar („mikilvægi agans“. Vandamálið í skólakerfinu er ekki það að ætlast sé til of mikils aga, mikill agi er vissulega góður. Vandamálið er (mat höfundar) að ætlast er til þess að helmingur nemenda aðlagist ferli og umhverfi þar sem töluvert ósamræmi ríkir gagnvart eðli þeirra og hvötum.

 

Núna get ég vissulega ekki staðhæft fyrir alla kynbræður mína en ég hef verið áhugamaður um þetta málefni í meira en áratug og rætt þetta við marga, lesið mikið af sálfræði og hegðunar rannsóknum um málið og fylgst með og prófað ýmsar aðferðir á 8 ára þjálfunarferli (frjálsíþróttir, leikjanámskeið osfrv) og er það eindregin niðurstaða mín að strákar hafi almennt séð meiri orku og hreyfiþörf- og laðast frekar að hasar og verkmiðuðu námi og æfingum.

 

Lausn Fimmtudagsþrumunnar fyrir skólakerfið er þess vegna eftirfarandi:

• Auka mikilvægi verklegs náms

• Auka umræður þar sem allir nemendur ættu að taka þátt, skilningur kemur fram með því að gera og upplifa

• Auka rannsóknavinnu, fleiri vettvangsferðir, og prófanir utan skólastofunar (t.d. að fara og skoða sjávarföllin eða kryfja frosk)

• Ekki hafa fyrirlestra þar sem þess er krafist að sitja og hlusta, lengri en 45 mínútur, helst ættu þeir að vera styttri eða hafa þá fleiri pásur (pásurnar þurfa ekki að vera langar og gætu m.a. nýst í uppbroti með stuttum verkefnum, prófunum eða verklegri sýnikennslu úr efninu, bara einhvers konar hvíld frá þeirri athöfn að: „sitja, hlusta og einbeita sér“). Margar rannsóknir hafa sýnt fram á það að athyglisgeta meðal mannsins er að meðaltali um 45 mínútur og þá er besta getan til að taka við upplýsingum og meta þær fyrstu 15 mínúturnar. Seinni hlutin af 2 klst fyrirlestri mun t.d. skila ósköp litlu ef ekki var vel staðið að pásum og uppskiptingu.

• Þessi punktur er umdeildur en ég stend við hann: auka keppni í námi og vægi árangurs og verðlaunamiðaðs náms („þetta er sko keppnis“)

• Þessi punktur kann að vera meira persónubundinn: minnka yfirferð og auka frekar verklega úrvinnslu.

 

Þar sem Fimmtudagsþruman er dægurpistill í takmarkaðri lengd þá ætla ég mér að takmarka þessa yfirferð við þess kjarnapunkta hér að ofan. Ég hef vissulega fleiri pælingar og eru sumar af þeim töluvert róttækari og e.t.v. umdeildari. Ég tel að ofangreindar breytingartillögur myndu minnka skólaleiða stráka og ekki bara henta strákum heldur stelpum líka, þetta eru semsagt almennar úrbótatillögur á skólakerfinu.

 

Nokkrar af þessum töllögum krefjast e.t.v. meira af kennurum en ætlast er til í dag, ég er ekki viss, en ég er þeirrar skoðunnar að einungis okkar besta fólk eigi að fá að vera þess heiðurs njótandi að vera kennarar. Kennarastarfið er gríðarlega mikilvægt og byggir velferð samfélags og er framtíðargeta þess að miklu leyti byggð á gæðum og metnaði menntakerfisins og kjarninn í menntakerfinu er að sjálfsögðu menntararnir/kennararnir.

 

Ekki má hinsvegar miskilja þessar athugasemdir mínar á þann veg að ég tel að kennararnir í landinu séu ekki að standa sig, þeir eru eins misjafnir og þeir eru margir. Fimmtudagsþruman telur að með kerfislegri breytingu væri hægt að auka velferð allra nemenda í skólakerfinu, minnka skólaleiða og þá sérstaklega í þessu langleiða og landlæga vandamáli með strákana okkar.

 

 

Við endum þetta á tilvitnun eins og svo oft áður:

 

-- John Cotton Dana

 

--George Bernard Shaw

 

“Kennari hefur áhrif á eilífðina, hann getur aldrei séð hvar áhrif hans hætta.”

-- Henry Brooks Adams

 

 

--Skólarapp

 

Takk

 

Tryggvi