Eyjar.net - upplýsinga- og fréttamiðill um Vestmannaeyjar - Fréttir - Grænmetisbakstur

Sjóðið kartöflurnar. Sneiðið laukinn og látið hann krauma í 45 gr af smjöri þar til hann fer að brúnast. Setjið hann í botninn á eldföstu móti. Hreinsið og afhýðið gulræturnar og skerið þær í sneiðar. Setjið sneiðarnar í pott og vatn þannig að rétt fljóti yfir, bætið sykri og 20 gr af smjöri. Látið sjóða í 10 mín eða þar til allur vökvi er soðinn upp. Blandið steinseljunni saman við.
Setjið gulræturnar yfir laukinn. Hreinsið sveppina og látið þá krauma í 30-50 gr af smjöri, setjið þá yfir gulræturnar. Takið blómkálið í hríslur og sjóðið í léttsöltu vatni í nokkrar mínútur. Setjið yfir sveppina. Afhýðið kartöflurnar, hrærið þær í sundur . Blandið smjöri, eggjarauðu og rjóma saman við. Kælið lítið eitt. Bakið upp sósu úr smjöri, hveiti og mjólk. Kryddið með salti, pipar og múskati. Bætið ostinum saman við. Breiðið sósuna yfir grænmetið. Sprautið hrærðu kartöflunum yfir sósuna. Setjið mótið í plastpoka og lokið vel og setjið í frost. Látið standa við stofuhita í 3-4 klst. Penslið með sundurslegnu eggi og bakið við 190°C í 20-30 mínútur. Berið fram heitt.

Hráefni fyrir 7

Grænmetisbakstur
4 stk laukur stór
120 g smjör
500 g gulrætur
0,3 tsk salt
0,25 tsk pipar
1 tsk sykur
1 tsk steinselja söxuð
375 g sveppir litlir
1 stk blómkálshöfuð stórt
1 kg kartöflur kg
1 stk eggjarauður
1 msk rjómi
0 g sósa:
45 g smjör
45 g hveiti
3,75 dl mjólkdl
100 g ostur 26 % rifinn

www.ms.is